ИНФОРМАЦИИ ЗА ЗАМЕНИЦИ НА ИЗВРШИТЕЛИ
Заменик на извршител, по именувањето поднесува до Комората :
- Барање за упис во Именик на заменици при Комората (објавено на сајтот на Комората- БАРАЊЕ ЗА УПИС ВО ИМЕНИКОТ НА ЗАМЕНИЦИ ПРИ КОМОРАТА НА ИЗВРШИТЕЛИ НА РМ) ;
Потребни податоци за упис во Именик на заменици на КИРМ :
- Решение за именување на заменик на извршител од Министерство за правда на РМ -копија;
- М1/М2 образец-копија;
- Кратка биографија.
По уписот во Именикот на заменици, заменикот поднесува до Комората:
- Барање за депонирање на отисоци од печат, штембил, пломба и потпис во Книга за печат и потпис на заменик на извршител при Комората на извршители на РМ (објавено на сајтот на Комората –БАРАЊЕ ЗА ДЕПОНИРАЊЕ НА ПЕЧАТ);
Потребно за во Книгата за печат и потпис на заменик на извршител при Комората на извршители на РМ:
- Печат, штембил, пломба и потпис на заменик на извршител
Отисоците од печатот, штембилот и пломбата ги одобрува и заверува претседателот на Комората на извршители на Република Македонија а истите се депонираат во судот на чие подрачје е именуван извршителот, чиј заменик е, и Комората. Печатот, штембилот и пломбата по престанок на должноста заменик извршител, се депонираат во Комората, согласно член 49 ст. 4 од ЗИ.
Во случај на губење на печатот или штембилот заменик извршителот е должен веднаш по електронски и писмен пат да го извести судот и Комората согласно чл. 36 ст. 8 в.в.чл.50 ст.1 од Законот за извршување.
Заменик извршителот веднаш по именувањето е должен да обезбеди дигитален сертификат издаден од овластен издавач на сертификати (електронски потпис), и да ја извести Комората за серискиот број на електронскиот сертификат- токен.
Формата и содржината на печатот, штембилот и пломбата, како и начинот на нивното користење, е определена со Правилник за формата и содржината на таблата за означување на службените простории на извршителот, печат, штембил, пломба, потпис, дигитален сертификат на извршителот и заменикот и начинот на нивното користење (објавено на сајтот на Комората –Правилник за табла печат штембил пломба и електонски сертификат - пречистен текст. )
Легитимацијата на заменикот ја издава Министерство за правда до каде што се поднесува барање за издавање на легитимација согласно чл.37 од ЗИ и Правилникот за формата и содржината на легитимацијата на извршителот и на заменикот на извршител, начин на нејзиното издавање, одземање и поништување.
Корисна информација:
- Согласно член 50 став 6 од ЗИ: Извршителот е должен, истовремено со именувањето на неговиот заменик-извршител, да му издаде овластување на заменикот да располага со редовната и посебна сметка.
Заменик извршителот доставува до Комората информација за бројот на посебната сметка на извршителот и депонент Банка, за која му е издадено овластување да располага.
