Вести

Годишната конференција „Десет години во служба на правдата – искуства и лекции“

Делегација на Комората на извршители на РСМ во состав од извршител Гордан Станковиќ и извршител Јорданчо Давитковски учествуваа на Годишната конференција „Десет години во служба на правдата – искуства и лекции“ во организација на Комората на Јавни извршители на Црна Гора во соработка со проектот „Зајакнување на системот за извршување во земјите од Западен Балкан -Црна Гора (БЕСП)“. повеќе...

Постојан совет на Меѓународната унија на судски извршители (UIHJ)

Делегација на Комората на извршители на Република Северна Македонија во состав од извршител Александар Чамовски, член на Управен одбор на КИРСМ и извршител Александар Максимовски од Скопје учествуваат на Постојан совет на Меѓународната унија на судски извршители (UIHJ) во Париз, Франција во перио од 26.11.2024 – 29.11.2024 година. повеќе...

10 години од основањето на Комората на приватни извршители на Република Косово.

Претседателот на Комората на извршители на РСМ Весна Деловска, извршител Дашмир Саити и извршител Весна Јакимовска присуствуваа на јубилејниот настан на 10-годишнината од основањето на Комората на приватни извршители на Република Косово. Во своето обраќање Претседателот Весна Деловска го честита јубилејот и ја поздрави досегашната блиска меѓународна соработка на двете Комори, ја истакна важноста на извршителската дејност со желба за продлабочување на соработката.

Галерија

73 години од основањето на Правниот факултет „Јустинијан Први“-Скопје

На ден 8 ноември 2024 година, Претседателот на Комората на извршители на РСМ Весна Деловска присуствуваше на одбележувањето на 73 години од основањето на Правниот факултет „Јустинијан Први“-Скопје при Универзитетот „Св. Кирил и Методиј“ во Скопје.

Галерија

Семинар на извршители

Комората на извршители на РСМ на 19 октомври 2024 година, во Приштина, Република Косово, одржа Семинар на извршители. На семинарот предавање одржа судија Рафис Идризи од Апелационен суд Гостивар на тема ,,Правни последици од отварање на предстечај и стечај, излачно право и разлачно право, побивање на должникови правни дејства согласно Законот за стечај, намирување согласно Законот за извршување и Закон за стечај, задолжително доставување на решенија за отворена стечајна постапка до КИРСМ” и судија Тодор Поп Панев од Апелационен суд Штип на тема ,,Извршување на недвижност во заедничка сопственост, налог за извршување врз недвижност и проценка”. Гости на семинарот на извршители беа извршители од Комората на извршители на Република Косово.

Галерија

Средба со Министерот за правда

Претставници од Центарот за меѓународна правна соработка за Проектот ,,Зајакнување на извршувањето во земјите од Западен Балкан”остварија средба со Министерот за правда Игор Филков. На средбата беше презентиранa финансиска анализа на работењето на извршителите во Република Северна Македонија за периодот од 2014-2022 година. Проектот е фокусиран на унапредување на механизмите за мониторинг и контрола над работата на извршителите од страна на министерствата за правда од земјите од регионот, унапредување на работата на Коморите на извршителите и зајакнување на прекуграничната соработка во извршувањето.

Извoр: Министерство за правдa

Галерија

Одлуката на Уставен суд – У.бр.98/24 и У.бр.139/24

Одлука на Уставен суд У.бр.98-24 и У.бр.139-24

Конкурс за именување на извршители

Решение У.бр.98/2024 У.бр.139/2024 на Уставен суд на РСМ

У.бр.98/2024 У.бр.139/2024 на Уставен суд на РСМ , Службен весник бр. 149 ( Линк ) од 17.07.2024 година.

И З В Е С Т У В А Њ Е

Комората на извршители на Република Северна Македонија, согласно член 74 став 2 од Законот за извршување ( “Службен весник на РМ” бр.72/16, 142/16, 233/18, 14/20 и 154/23) го објавува следното известување,
Се известуваат граѓаните кои биле странки во предмет/ти кои се водеа во канцеларијата на извршител Драган Кочовски од Велес дека предметите ги презеде извршител Ангел Костадиновски од Кавадарци со седиште на ул. Шишка бр.2 локал 1 во Кавадарци, определена со Решение на Министерство за правда на РСМ бр.09-1566/1 од 16.05.2024 година
КОМОРА НА ИЗВРШИТЕЛИ НА РЕПУБЛИКА СЕВЕРНА МАКЕДОНИЈА
Претседател Весна Деловска

И З В Е С Т У В А Њ Е

Комората на извршители на Република Северна Македонија, согласно член 74 став 2 од Законот за извршување ( “Службен весник на РМ” бр.72/16, 142/16, 233/18, 14/20 и 154/23) го објавува следното известување,
Се известуваат граѓаните кои биле странки во предмет/ти кои се водеа во канцеларијата на извршител Музафер Хоџиќ од Скопје дека предметите ги презеде извршител Лидија Радеска со седиште на ул.Св.Кирил и Методиј бр.52 Б/1-4 во Скопје, определена со Решение на Министерство за правда на РСМ бр. 09-1468/2 од 16.05.2024 година .
КОМОРА НА ИЗВРШИТЕЛИ НА РЕПУБЛИКА СЕВЕРНА МАКЕДОНИЈА
Претседател Весна Деловска

Потпишан Меморандум за соработка помеѓу Судскиот совет на РСМ и Комората на извршители на РСМ

Претседателката на Судскиот совет на Република Северна Македонија, Весна Дамева денес потпиша Меморандум за соработка со претседателката на Комората на извршители на Република Северна Македонија, Весна Деловска. Официјализирање на соработката со потпишување на овој Меморандум е од особено значење и во истиот се дефинира начинот на соработката која ќе се остварува преку едукација, обука, придонес во објавување на стручни и научни трудови, давање на експертска помош при изработка на одредени проекти, анализи, предлози, како и други форми на размена на знaење и искуство во насока на истражување и развој од заеднички интерес. Превземено: Извор

Комората на извршители на Република Северна Македонија потпиша Меморандум за соработка со Здружението на правници на Република Северна Македонија

На ден 09.04.2024 година Комората на извршители на РСМ и Здружението на правници на РСМ потпишаа Меморандум за соработка.
Со овој Меморандум се продлабочува соработката помеѓу КИРСМ и Здружението ставајќи акцент на размена на знаења, искуства, едукација и усовршување на кадри од областите во кои двете страни имаат заеднички интерес.

Барање за прибирање понуди од Адвокати за анализа и правно мислење за потребите на КИРСМ

Реакција на Министерството за правда за протестот „Стоп за извршителите“

Министерството за правда нема законски надлежности да дава автентично толкување на законските норми што е во исклучива надлежност на Собранието на Република Северна Македонија.
Министерството за правда ве информира дека исклучива надлежност за постапување по основа на застареност на предмет кај извршител има судот во соодветна постапка.
Правниот институт -застарување, роковите, прекинот и начинот на утврдување, се регулирани со бројни одредби од Законот за облигациони односи (член 349-382) и истиот не се применува автоматски, туку се утврдува во судска постапка на предлог на должникот.
Извршителот е должен да постапува по барањето на доверителот и притоа не е овластен да носи никакви процедурални одлуки во однос на текот на извршувањето, што е во исклучива надлежност на судот.
Превземено од Министерството за правда

Барање за прибирање на понуди за превод од албански јазик на македонски и од македонски јазик на албански

Барање за прибирање на понуди за превод од албански јазик на македонски и од македонски јазик на албански за потребите на Комората на извршители на РСМ

Конкурси за именување на извршители

Конкурси за именување на извршители (службен весник бр.13)

Доделени Повелби на новоименувани извршители

На ден 22.12.2023 година во Министерството за правда на РСМ беа доделени Повелби на новоименувани извршители, Лидија Радеска за подрачјето на Основен граѓански суд Скопје и Основен кривичен суд Скопје, Бране Милчески за подрачјето на Основен суд Струмица и Основен суд Радовиш и Марија Попов за подрачјето на Основен суд Велес, Основен суд Гевгелија, Основен суд Кавадарци и Основен суд Неготино. На доделувањето на Повелбите беше присутен и Претседaтелот на КИРСМ, Весна Деловска од Скопје.

Постојан совет на Меѓународната унија на судски извршители (UIHJ)

Делегација на Комората на извршители на Република Северна Македонија во состав од Претседател на КИРСМ Весна Деловска и Потпретседател на КИРСМ Билјана Николовска учествува на Постојан совет на Меѓународната унија на судски извршители (UIHJ) во Париз, Франција во период од 21-24.11.2023 година.

Галерија

Конкурс за именување на извршители и нотари

Конкурси за именување на извршители и нотари (службен весник бр.238)

Известување

На ден 18.10.2023 година, делегација на Комората на извршители на РСМ во состав од Претседателот на КИРСМ Весна Деловска, Извршител Методија Костадинов од Скопје и Извршител Васко Блажевски од Скопје , остварија средба со Министерот за правда Г-дин Кренар Лога, на која присуствува и претставници на Министерството за правда, Шеф на кабинет г-ѓа Арбереша Селими и Помошник раководител на секторот за извршување, нотаријат и медијација г-дин Владимир Јанковски, на која остварена средба е разговарано за законските измени со цел за изнаоѓање на најдобри решенија, предизвиците на извршителите , како и барања и проблемите на граѓаните.
На состанокот имавме дискусија и за надзорот врз работата на извршителите со цел надминување на секакви проблеми, недоразбирања, како и решавање на забелешките на граѓаните.
Ги повикуваме граѓаните , во иднина за сите нивни жалби и проблеми , да се обратат до Комората на извршители на РСМ како и во Министерство за правда.

Извор: Министерство за правда

Остварив средба со ново избраната претседателка на Комората на извршители, Весна Деловска, на која и посакав успех во должноста и изразив мое задоволство за нејзиниот конструктивен пристап и подготвеност за соработка и заедничко решавање на сите предизвици, со кои се соочуваат граѓаните и извршителите во секојдневната работа.
Разговаравме за законските измени со цел изнаоѓање најдобри решенија, предизвиците на извршителите, како и барањата и проблемите на граѓаните.
На состанокот имавме и дискусија за надзорот врз работата на извршителите со цел надминување на секакви проблеми, недоразбирања, како и за решавање на забелешките на граѓаните.
Ги повикуваме граѓаните, во иднина за сите нивни жалби и проблеми, да се обратат до Комора на извршители како и во Министерството за правда.
…
Realizova takim me kryetaren e sapo zgjedhur të Odës së Përmbaruesve, Vesna Dellovska, së cilës i urova suksese në detyrë dhe ia shpreha kënaqësinë time për qasjen e saj konstruktive dhe gatishmërinë për bashkëpunim dhe zgjidhje të përbashkët të të gjitha sfidave, me të cilat ballafaqohen qytetarët dhe përmbaruesit në punën e tyre të përditshme.
Diskutuam për ndryshimet ligjore për të gjetur zgjidhjet më të mira, sfidat e përmbaruesve, si dhe kërkesat dhe problemet e qytetarëve.
Në takim diskutuam edhe për mbikëqyrjen në punën e përmbaruesve, me qëllim të tejkalimit të çdo problemi, keqkuptimi, si dhe për zgjidhjen e vërejtjeve të qytetarëve.
Ftojmë qytetarët që në të ardhmen, të gjitha ankesat dhe problemet, t’i adresojnë në Odën e Përmbaruesve si dhe në Ministrinë e Drejtësisë.