Почитувани,

Комората на извршители на РСМ ја известува јавноста дека согласно Заклучоците на Влада на РСМ од 15- та редовна седница за преземање на дополнителни и заострени мерки и активности за превенција од ширење на Ковид- 19 вирусот од 10.03.2020 година ги донесе следните превентивни мерки:

– Набавка на средства за дезинфекција во секоја канцеларија и редовно вршење на дезинфекција на канцелариите на извршителите и Комората на извршители на РСМ;

– Ограничување на времето за прием на странки во канцелариите на извршителите и Комората на извршители на РСМ и утврдување на еден ден во текот на неделата за прием на странки во посебна просторија во канцеларија на извршителот и Комората на извршители на РСМ;

– Задолжително носење на заштитни маски од страна на странки кои ќе пристапат во канцеларија на извршителот и Комората на извршители на РСМ;

– Објава на соопштение од секоја канцеларија на извршителот за редуцирање на деновите за прием на странки;

– Сите писмена до канцелариите на извршителите и Комората на извршители на РСМ да се доставуваат по поштенски пат.

Претседател на КИРСМ
Зоран Димов