Интервју Ванчо Марковски: Граѓаните најмногу должат за комуналии и за брзи кредити, а тие долгови тешко се наплатуваат

-Немојте да мислите дека ние со задоволство ја извршуваме оваа професија. Сите работи и професии се прават за заработка на финансиски средства за живот, па така и извршувањето. Како што споменав претходно, бидејќи се работи за најтешка професија за работење, и кај нас и надвор, единствен мотив за вршење на оваа тешка професија е добра тарифа. За што друго Вие би оделе да спроведувате извршно дејствие на попис во станот на должникот, за што друго Вие би испразнувале стан и би предавале недвижност во владение на доверител??? Дали некој вакви извршни дејствија посакува да му се случат? Но, за да се спроведат треба да постои извршна судска или друга со закон предвидена извршна исправа врз основа на кои извршителите постапуваат. Од друга страна, што да кажат банките кои пласираат пари кај граѓаните, што да кажат доверителите кои позајмиле пари на пријатели, што да кажат давателите на услуги (телефонија, вода, смет, струја) ако доброволно корисниците на тие услуги не им ги плаќаат сметките????? И на крајот, сите посакуваме странски инвестиции во РСМ, нели? А кој ке вложи капитал во РСМ ако не чувствува сигурност дека има систем за заштита на вложениот капитал меѓу другото и активен Закон за извршување?

Со измени на Законот за извршување и на тарифникот лани се намали делот кој оди на сметката на извршителите. Како ова се одрази на извршителите?

-Многу лошо. Сите извршителски канцеларии го редуцираа бројот на вработени, ги намалуваа трошоците за работа онаму каде беше можно. Еве во последните два-три месеци тројца колеги дадоа и оставки, на објавени конкурси за нови извршители во Прилеп и Кочани не се јави ниту еден кандидат.

Pages: 1 2 3 4 5 6 7 8 9