15 години Комора на извршители на Република Северна Македонија
На ден 04.06.2021 година се одбележа свечен јубилеј по повод 15-годишнината од основањето на Комората на извршители на РСМ. На свечениот настан беше истакнато дека Законот за извршување од 2005 година ги постави темелите и го воведе концептот на приватно извршување кој е брз и ефикасен концепт соодветен на условите и околностите во РСМ.
„ Иднината на нашата професијата ја гледаме во добивање на нови и проширување на постоечките надлежности, во делумна авансна наплата за први процесно преземени извршни дејствија, во рамномерна распределба на предмети“, истакна претседателот на Комората на извршители, Ванчо Марковски .
На свечената академија преку видеоконференциска врска се обрати и претседателот на Меѓународната унија на судски извршители, Марк Шмитц, кој го честиташе јубилејот на Комората на извршители на РСМ и особено ги поздрави сите нејзини досегашни успешни претседатели, Горан Тошевски, Антончо Коштанов, Гордан Станковиќ, Зоран Петрески, Зоран Димов и Ванчо Марковски и им честита за трудот кој го вложија за афирмација на професијата и за непоколебливата борба што ја водеа и ќе продолжат да ја водат за унапредување, развој и одбрана на интересите на професијата извршител во Северна Македонија.
Јос Утехааг Секретар на Меѓународна унија на судски извршители, преку видеоконференциска врска ги поздрави присутните и истакна дека Комората на извршители на Република Северна Македонија постигна високо ниво на професионализам и достигнувања и дека КИРСМ се уште е пример за други држави.
Министерот за правда Бојан Маричиќ истакна дека Министерството за правда ја продолжува добрата соработка со Комората и дека очекува да останат партнери бидејќи само со меѓусебна доверба може да се создаде уште поквалитетен систем за извршување, кој ќе биде во јавен интерес и ќе ја чува професијата извршител.
На настанот свој поздравен говор имаше заменик претседателот на Комората на извршители на Република Србија Вујадин Масникоса, претседателот на Комората на јавни извршители на Р. Црна Гора Видак Латкович, претседателот на Комората на извршители на Р. Косово Арбен Гаши, како и Генералниот секретар на Балканска иницијатива за извршување Дамир Шите.
Во рамките на јубилејот на Министерството за правда на РСМ и на г-ѓа Мери Младеновска – Ѓорѓиевска поранешен Министер за правда им беа доделени Благодарници за креатори на реформата во извршувањето. Исто, така на свеченоста им беа доделени плакети за особен придонес во извршувањето на Проф. д-р во пензија Арсен Јаневски, г-ѓа Радица Лазаревска Геровска државен советник при Министерството за правда, г-ѓа Нена Ивановска независен консултант како и на извршителите кои со своето дејствување овозможија развој и етаблирање на извршителската професија и на Комората на извршители на РСМ.
Преводот на содржините е целосно автоматизиран
Преводот на содржините е целосно автоматизиран
Macedonian
English
AlbanianЈавни објави за достава
Обука за обучувачи (ТоТ)
Одлуки
Дисциплинска комисија
Најди извршител
Огласи за продажба
Академик
Член на Деловен совет
зсрм
Browse Uncategorized
- Извршител Милена Мажевска
Комората на извршители на Република Македонија потпиша Меморандум за соработка со Комората на приватни извршители на Република Aлбанија- Комората на извршители на Република Македонија потпиша Меморандум за соработка со Комората на приватни извршители на Република Бугарија
- КИРМ за објавувањето на ЕМБГ во дневните весници: Проблемот е во колизијата на одредби, навремено интервениравме со предлог за нивно уредување
- Министерот за правда Blerim Bexheti го назначи Јасер Асани за извршител во Гостивар и Кичево
- Потпишан меморандум за соработка помеѓу Коморите на Извршители на Србија и Македонија
- Годишно собрание на КИРМ: Годинава за првпат на средби со обвинителите
- Комората на извршители на Република Македонија избра нови членови на органите на КИРМ.
- Известување за Копаоничката школа на природното право за 2014
Испит за извршители
Најчести прашања
Анкета
Loading ...
