На ден 25.02.2022 година во Хотел Гранит, Охрид се одржа Редовно годишно Собрание на Комората на извршители на Република Северна Македонија, на кое Собрание беше усвоен Годишниот извештај за работата на Комората во период од 01.01.2021-31.12.2021 година.
Согласно законската обврска за континуирано и стручно оспособување и едукација на извршителите, на ден 26.02.2022 година во Хотел Гранит, Охрид се одржа семинар на извршителите.
Семинарот го отвори претседателот на Комората на извршители на РСМ, Ванчо Марковски, со упатување поздрав до присутните на семинарот.
Покрај  извршителите и дел од вработените во извршителските канцеларии, на овој семинар присуствуваа Професор д-р Арсен Јаневски, Правен факултет “Јустинијан први” Скопје во пензија, Претседател на Врховен суд на РСМ судија Беса Адеми, судија на Врховен суд на РСМ Снежана Бајлозова, судија на Апелационен суд Штип Светлана Јованова, Претседател на Управен суд на РСМ судија Бурим Сејдини, Катерина Васиќ, инспектор за архивски материјал при Државен архив на РСМ, Наим Адеми, инспектор за архивски материјал при Државен архив на РСМ одделение Тетово, Маре Бојчовска, стручен соработник во одделение за стручен надзор и стручна помош на имателите при Државен архив на РСМ Скопје како и Радица Лазареска Геровска, Државен советник за извршување, нотаријат  и медијација при Министерство за правда на РСМ
На семинарот беа обработени следните теми: „Извршување врз подвижни предмети и права спрема Република Македонија и нејзините органи, единиците на локалната самоуправа и јавните претпријатија по член 218 од Законот за извршување, а во врска со веќе донесени правосилни решенија со определен лимит при извршување“,„Легализација на бесправно изградени објекти и својството на доверителот во постапката пред општините“, „Обврски на извршителите кои произлегуваат од Закон за архивски материјал и Уредбите по однос на архивските материјали, План за архивски знаци, Листа на архивски материјал и Листа на документиран материјал“ и „ Предлог измени и дополнувања на Законот за извршување“