Комората на извршители на Република Северна Македонија преку Комисијата за односи со јавност на Комората, во период од 16 до 18 септември во Битола организираше Тркалезна маса и обука за претставници на медиумите. Претседателот на Комората г-дин Ванчо Марковски имаше воведно излагање каде ги презентираше предизвиците со кои се соочуваат извршителите и Комората во Република Северна Македонија. Извршителот Јорданчо Давитковски од Крива Паланка имаше излагање на темата “ Реформи во извршувањето во европските држави, регионот и Република Северна Македонија”, додека извршителката Каролина Таневска од Прилеп детално ги елаборираше правните лекови во извршувањето. Комората на извршители на Република Македонија останува отворена за соработка со медиумите и во иднина.