Членови на Управен одбор се:

1. Весна Деловска, Претседател на Управен одбор, извршител од Скопје;
2. Методија Костадинов, Потпретседател  на КИРСМ, извршител од Скопје
3. Васко Блажевски, извршител од Скопје
4. Каролина Таневска, извршител од Прилеп;
5. Влатко Лалков, извршител од Кавадарци;
6. Александар Чамовски, извршител од Струмица; и
7. Дашмир Саити, извршител од Тетово.

(1) Управниот одбор:

а) утврдува нацрт на статутот и другите акти на Комората;

б) подготвува и доставува до министерот за правда предлози и мислења што се однесуваат на основната поставеност на извршителите, како и по сите други прашања што се однесуваат н професијата извршител;

в) го подготвува предлогот на тарифата која му ја предлага на Собранието на Комората за утврдување;

г) презема и спроведува иницијативи за разгледување на прашања од интерес на извршителите, како што се прашањата за социјалната заштита на извршителите, основањето на солидарен фонд за економска помош на извршителите, како и фонд за помош на лица кои трајно се оспособуваат за самостојно вршење на дејноста и прашања за организирање на трајно осигурување на извршителите;

д) врши надзор над работењето на извршителите и дава иницијатива за вршење на вонредна инспекција за поведување дисциплинска постапка;

ѓ) ја изготвува и предлага Програмата за континуирана едукација на извршителите и врши надзор над стручното оспособување на извршителите и издава уверенија за спроведено стручно оспособување, врз основа на потврда издадена од извршителот кај кого се врши оспособувањето;

е) се грижи за статусот на извршителите и за односите кон други органи и воопшто кон трети лица;

ж) го организира континуираното стручно оспособување на извршителите со организирање семинари и предавања согласно со програмата утврдена од страна на министерот за правда. Учеството на семинарите и предавањата е задолжителна за извршителите, замениците на извршителите и помошниците на извршителите, а нивното неоправдано отсуство претставува дисциплинска повреда;

з) води именик на извршителите, замениците на извршителите и помошниците на извршителите;

ѕ) ги подготвува седниците на Собранието на Комората;

и) ги извршува одлуките на Собранието на Комората;

ј) составува предлог на годишната пресметка и предлог за пресметка за наредната година;

к) се грижи за наплата на членарината и

л) одлучува за други прашања кои со закон или со Статутот на Комората се ставени во негова надлежност, како и за сите прашања кои не се ставени во надлежност на некој друг орган на Комората.

(2) Бројот на членовите на Управниот одбор го одредува Собранието во согласност со Статутот. Бројот на членовите на Управниот одбор, вклучувајќи го и претседателот на Комората, мора да биде непарен.

(3) Управниот одбор на Комората го свикува претседателот на Комората или на барање на една третина од вкупниот број членови на Управниот одбор. За полноважност на одлуките на Управниот одбор е потребно на седницата да присуствуваат повеќе од половина од членовите на Управниот одбор. Одлуките се донесуваат по правило со мнозинство гласови на присутните членови на Управниот одбор. Со Статутот на Комората посебно ќе се утврдат за кои случаи за полноважност на одлуката е потребно мнозинство од вкупниот број членови на Управниот одбор.