Информации за именување на помошник на извршител

       I.            Предлог за именување на помошник извршител заедно поднесуваат извршителот и лицето кое треба извршителот да го назначи за помошник до Претседателот на Комората на извршители на РМ,  содржи:

1. име, презиме, место и датум на раѓање на лицето кое треба да се назначи за помошник и едиствен матичен број ( ЕМБГ);
2. име , презиме и место на работа на извршителот и
3. ако лицето кое треба да се назначи за помошник претходно работело како помошник на извршител, периодот во кој работело, како и имињата и местата на работа на извршителите кај кои претходно работело како помошник на извршител

Кон предлог за назначување на помошник се приложуваат докази дека помошникот на извршител ги исполнува следните услови:

1.  да е државјанин на Република Македонија – што се докажува со Уверение за државјанство;

2. да е деловно способно – што  се докажува со Уверение за деловна способност;

3.   да има општа здравствена способност – што  се докажува со  лекарско уверение за општата здравствена состојба  издадено од надлежна здравствена установа од областа на медицина на трудот кое не е со изминат рок од 12 месеци;

4.  да има завршено правен факултет – што се докажува со диплома за завршен правен факултет;

5.  да не е осуден со правосилна судска одлука на безусловна казна затвор над шест месеца

– што се докажува со Уверение за неосудуваност.

II.            Потребни документи за упис во електронскиот Именик на помошници на извршители на  КИРМ:

1. Барање за упис во Именикот на помошници на извршители
2. Решение на Претседателот на Комората на извршители за назначување на помошник на извршител;
3. Обрасци  М1 и М2 -копија
4. 2 фотографии во боја 2,5  х 3  см
5. Кратка биографија.
6. Доказ за уплатен материјален трошок

Забелешка: Легитимацијата на помошник на извршител ја издава Претседателот на Комората на извршители на РМ, по претходна уплата на материјален трошок во износ од 500,00 денари на сметка на  Комора на извршители на РМ, трансакциска сметка 200001324084039, банка депонент Стопанска банка АД Скопје.

Напомена :Извршителот податоците ги доставува најдоцна пет дена по започнувањето со работа на помошникот на извршителот во канцеларијата на извршителот до Министерството за правда согласно член 3 став 3 од Правилник за начинот на водење на електронска евиденција на извршителите, замениците на извршителите и помошниците на извршителите (Службен весник број 226 од 30.12.2016 година)

Претседателот на Комората на извршители на РМ може да не го прифати предлогот на извршителот за назначување на помошник на извршител поради неисполнување на условите за именување или поради заштита на угледот и достоинството на дејноста извршител. Во случај на повлекување на предлогот за назначување на помошник на извршител од страна на извршителот, извршителот е должен со писмено известување да ја извести Комората на извршители заради бришење од електронскиот Именикот на помошници на извршители
.