ИНФОРМАЦИИ ЗА НОВОИМЕНУВАНИ ИЗВРШИТЕЛИ

По именување од страна Министерот за правда и по добивање на Повелба за именување, новоименуваниот извршител согласно член 35 став 3 од ЗИ во рок од три дена од денот на предавањето на повелбата, потребно е во Комората на извршители да поднесе:

1. Склучен договор за осигурување од одговорност за штета сторена на трети лица;
2. Барање до Претседателот на КИРСМ, за изготвување мислење за утврдување на просторни услови согласно Правилникот за видот на опремата и просторот потребни за вршење на извршни работи, превземи тука :
3. Барање до Претседателот на КИРСМ, за донесување на решение за определување на ден за отпочнување со работа како извршители согласно член 35 став 5 од ЗИ;
4. Барање до Претседателот на КИРСМ, за одобрување и заверка на отисоци од печат, штембил и пломба, согласно член 36 став 2 од ЗИ;
5. Барање за упис во Именикот на извршители на РСМ;
6. Пополнета пријава за обезбедување на податоци преку едношалтерски систем до Централен регистар (Образец ПЕ) превземи тука:  Образец ПЕ

Забелешка :

–       Пријавата на страна 1 ја потпишува Претседателот на КИРСМ како овластено лице на Основниот Регистар, на страна 2 се потпишува извршителот.

–       Идентификациониот број  го добивате во КИРСМ како Основен Регистар

7. Образец заверен потпис –ЗП заверен на нотар;

превземи тука: Образец заверен потпис ЗП

8. Решение за именување на извршител–заверено на нотар;

9.Повелба за именување на извршител –заверена на нотар;

10. Копија од лична карта на извршител;

11.  Известување за е-маил адреса и телефонски броеви за контакт и банка депонент за посебната сметка на извршителот.

Потребни податоци за упис во електронски Именик на извршители на  КИРСМ  :

1. Решение од Централен регистар на РСМ
2. Број на посебна сметка на извршител и депонент банка
3. Обрасци  М1 и М2 -копија
4.  Е-маил адреса на извршител

Потребни податоци за Книгата за депонирање на потпис, печат, штембил и пломба , согласно член 36 став 2 од ЗИ и Праилникот за формата и содржината на таблата за означување на службената просторија на извршителот, печат, штембил, пломба, потпис, дигитален сертификат на извршителот и заменикот и начин на нивно користење :

1.  Потпис, печат, штембил и пломба на извршител

Во случај на губење на печатот или штембилот извршителот е должен веднаш по електронски и писмен пат да извести судот на чие подрачје е неговото седиште и Комората согласно чл. 36 ст. 8 од Законот за извршување.

Забелешка: Објавата на Решението за определување на денот за почеток со работа во Службен весник на РСМ  ја врши Комората на извршители согласно чл.35 ст.5 од ЗИ.

За новоименуваниот извршител кој го продолжува извршувањето на предметите на извршителот чија должност престанала, согласно член 74 став 2: Комората ќе објави известување во „Службен весник на Република Северна Македонија“ и во два дневни весници, од кои што едниот на службен јазик што го зборуваат најмалку 20% од граѓаните на Република Северна Македонија, на кои што македонскиот јазик и кирилско писмо не им е мајчин јазик, кој извршител ги презема предметите од извршителот чија должност престанала.

Барањето за упис во Централниот регистар се доставува преку Комората на извршители на РСМ.

Легитимацијата на извршителот ја издава Министерство за правда до каде што се поднесува барање за издавање на легитимација согласно чл.37 од ЗИ и

Правилникот за формата и содржината на легитимацијата на извршителот и на заменикот на извршител, начин на нејзиното издавање, одземање и поништување, превземи тука:

Pravilnik za2 formata i sodrzinata na legitimacijata izvrsitelot sl.v.br.226.16

Корисни Информации:

–       Уписнина во КИРСМ изнесува 10.000,00 денари

–       Месечната членарина изнесува 6.000 денари

–       Кварталниот извештај за работата на извршителот ,се пополнува на образец, се доставува 4 пати во годината, во електронска форма до Министерство за правда  на е-маил: vnelovski@mjustice.gov.mk и до Комората на извршители на е-маил: izvestaj@kirm.mk во рок од 10 дена по истекот на кварталот, определено со член 56 ст.1 од ЗИ и Правилник за формата и содржината на кварталниот извештај и годишниот писмен извештај за работата на извршителот.

–       Образецот од кварталиниот извештај е составен дел од Правилникот за формата и содржината на кварталниот извештај и годишниот писмен извештај за работата на извршителот објавен на сајтот на Комората http://kirm.mk/?page_id=39

–       Согласно член 49 став 1 од ЗИ: Секој извршител има обврска да достави предлог до за именување на заменик на извршител во рок од 30 дена од денот на започнување со работа.

–       Согласно член 50 став 6 од ЗИ: Извршителот е должен, истовремено со именувањето на неговиот заменик-извршител, да му издаде овластување на заменикот да располага со редовната и посебна сметка.

–       Согласно член 36 став 4 од ЗИ: Извршителот е должен да обезбеди дигитален сертификат издаден од овластен издавач на сертификати (електронски потпис) веднаш по давањето на свечената изјава.

–       Согласно член 36 став 10 од ЗИ: Извршителот пред започнувањето со работа е должен да се поврзе електронски со Агенцијата за катастар на недвижности, Клириншките куќи, банките, Централниот регистар, Управата за водење на матични книги, Министерството за внатрешни работи и за конкретен предмет по електронски пат да ги доставува налозите, записниците, заклучоците, и другите документи кои произлегуваат од вршењето на неговата работа.

–       Согласно член 35 став 12 од ЗИ: Именуваниот извршител е должен најдоцна во рок од 30 дена од денот на именувањето, да пополни анкетен лист со детален попис на недвижен имот, подвижни предмети од поголема вредност, хартии од вредност и побарувања и долгови, како и друг имот што е во негова сопственост, или сопственост на членовите на неговото семејство, со наведување на основот на стекнување на пријавениот имот и депонира заверена изјава од нотар за откажување од заштита на банкарска тајна во однос на сите сметки во домашни и странски банки. Анкетниот лист се доставува до Државната комисија за спречување на корупција и Управата за јавни приходи. Превземи Образец тука :

https://dksk.mk/647-2/

–       Извршителот согласно член 178 став(2) од ЗИ има обврска Заклучокот за продажба со усно јавно наддавање да се објавуви во најмалку еден дневен весник кој излегува на целата територија на Република Македонија и електронски на веб страницата на Комората. Огласот кој треба да се објави на веб страната на КИРМ се доставува до Комората на е-маилот: oglasi@kirm.mk